Khubsorat Chehry !

Me kabhi kabhi in khubsorat chehron ko ek hasrat sy dekhti hon magar phr khayal ata ha agr chehron ki bunyaad pr hi zindagi haseen honi hoti tu kuch log kitny khush kismat hoty aur zindagi kis qadar na insaaf !!! 

Hamary moashaary ka ye almiaa ha k yahan achy chehro ki parsatish ki jati ha is bat sy bal-atar ho kr k os chehry k peechy ek rooh pinhaa ha ek insaan mojood ha jo bilashuba khusbsorat kehlany k layaq ha !  kasam sy mujy kabhi kabhi moasharay ka  ye doogla pan samajh nahi ata.. kesy ham khubsorti ki bina pr kisi ki kismat oski khushiyo oski zindagi oski fitrat khuwah k har cheex k mutaaliq khush feham ho kr beth jaty hy …ye shikva dil sy lagaye k khuda ny chand hi  logo ko sab dy rakha ha magar kash in hi chehro pr ye sab munhasir hota.. phr shayad koi tu musibato sy aari zindagi guzar rha hota 🙂

Insan Khobsorti ki traf mayal hony vali ek kathputli ha phr vo khobsorti kisi shey sy  munsalik ho ya phr wajood sy.. ye cheez mayeny nahi rakhti .. mere nezdeek jo eham ha vo ek sawal ..k kia waqai husan parasti itny taqatwaar ehsaaat ko janam krny ka zareya ha k insan ki sari sama-aton ko kamzoor krdy ? Kia waqai zahir is qadar taqatwaar ha k batin k wajood ko khatam krdy ?  

Vo Badhshah Ha !!!

Fitratan beshak insan sada ka matlab parast raha ha magar janab!! in khuwahisho ki parsatish ki inteha tu dekhye k jaha qaboliat ki zra si bhanak bhi pohanch jaye vaha dora chala jata ha 

Kal kuch logo ko sadqa krty ek gareeb babey sy dua ki guzarish krty suna tu ehsaas hoa k jis k pas kapra nahi vo bhi kab sy os ek nazry ulfat ka mohtaj bana asmaan ki traf dekh rha ha aur jisky pas tan dhakny k lye betahaasha ha vo bhi sakoon ka ..reham ka mutalashi ha … na os babey ko apny masaib ka haal nazar ata ha na os sahib e hesiaat ko apny uljhano sy nikalny ki rah … 

Kamal ha sohny rab ki qudrat ka ..har kisi ko apny dar pr bhikari bana kr rakhta ha .. sab deta ha magar shah rag apny qabo me rakhta ha .. bohat meharban ha magar chokhat sy bhatak jany valy ko maaf nahi krta … aur pany ki bhhok .. ziada ki chah ny hi insan ko nigal rakha ha ! 

Beshak vo badshah ha ! 

Betiyan boojh nahi hoti !

Betiyon k naseeb b kesy ajeeb hoty hy …

Mene ek mard k hosly ko oski wafa ki soorat totaty hoye do roop me dekha .. ek baap k roop me aur kabhi kabhar bety k roop me .. aurat ka naseeb inhi rishto ki chaaon dhondaty guzar jata ha ..

Betiyan beshak khuda ki neemat ha lekin ye bat bhi kisi na kisi had tak durust ha .. k betiyan ek aazmaish bhi hy ..  Jab ghar ki beti chokhat paar krti ha tu apny baba ki izaat ko sar par orh kar nikalti .. jab beti apny chehry ko dhakti ha tu apni maa ki haya ka maan barhaa deti ha … jab vo apni nazar ko jhokati ha tu najany kitny logo ko gunahgaar hony sy bacha leti ha .. ye ha aurat ki aazmat mere pyary deen me jo kisi tareef ki muhtaaj nahi  .. magar is bharam ko rakhty rakhty najany vo kitni baar marti ha .. kitni baar totati bikharti ha.. kitni motiyon ki laryaa bebaak baha deti ha ..

 betiyan bojh nahi hoti betiyan tu maan hoti hy waqar hoti ha ! Apny baba ka garoor hoti hy 

Magar jaha osi beti k naseeb ki baat aa jaye tu mene chataan jesy baap ko bhi moom ki trha pighalty dekha ha … vo baap jo shayad aj tak kisi k agy na jhuka tha osy bhi sar jhukaty dekha ha .. 

Vo beti .. jo kabhi nazoon me pali thi , seeny sy lagi thi kesy vo baap apny rooh sy juda krta ha koi os sy pochy ! Vo beti … jisy maa ny 9 Maheeny kook me palla koi os sy pochy k tan man ki judaai kia hoti ha ? … Magar jab vohi beti… jis ny kabhi apny baba ki sirf muskurahat dekhi thi vo beti… jis ny maa ka sirf maan barhaya tha jab onky Ansoo ka zariya banti ha tu os sy koi pochy k zindagi kitni karwii ha ..phr jab vohi beti apny ansoo chupa kr sabar k ghoont chup chaap peeti chali jati ha tu koi os sy pochy k zindagi me khushiyan kia mayeeny rakhti hy ! 

Betiyan boojh nahi hoti magar betiyon k naseeb hara dety hy .. maa baap betiyon sy nahi darty onky naseeb toor dety hy ! Betiyon ko musibat nahi tasovoor kiya jata magar onky naseeb ki kalak dagdaar kar jati ! 

Betiyan bojh nahi hoti ! 

Sayah andheery !

Kabhi kabhi me sochti hon roshniyo sy ziada ye andhery wafadaar hoty hy nahi ?kon jany ye siyah kali raty kitny toty dilon ki aah sameety khamosh chadar orhy so rhi ha ? Kitni hi Faryado ko jazb kye chup sadhy hoye hy ? Kitny hi khmoosh ansoo ko chupaye be awaaz bethi deekh rhi ha ?ye kali raty bhi kitni dilchasp hoti hy .. Kitni anokhi … kamal ki raazdar !

Ankho k aggy geely pani ki jab dhoondh chany lgy tu ham ese hi kisi andhery ki traf bhagty hy jo hamary sary gham apny andar samoota jaye .. aur phr jab esa koi saya milta ha tab insan tot-ta ha bikharta ha apny sary gham is namkeen pani ki soorat baha deta ha jiska chemical formula tu mujood ha par lakh shukar koi emotional formula nahi .. warna najany kitny bheed khul jaty… kitny bharaam toot jaty ! … par insaan phr bhi kitna bewafa ha na .. apny kandho ka bojh utarny ka baad apny tukreey sameet-ta hoa sary bojh sary farz is andheery k hawaly kr jata ha !

Andheery ki khubsorti ko chand hi log samajhty hy aur yaqeen janye .. ese log bht haseen hoty hy .. ye andhery insan ko toor kr osky zahiro batin ko dho dalty hy.. shayad isi lye gulaafy kabah ka rang bhi sayah ha .. me is muqadas gulaaf k rang ki hikmat ko samajhny k layaq tu Nahi magar meri zehni qoovat najany kyun har dafa isy dekhny k bad is bat ki gavahi deti ha k sayah samoony vala rang .. sab jazb krny vala .. sab rango ko apny hisaar me leny vala .. jesy mera vo pakeeza rab ha apny sab nafarmaan bando ko qabool krny vala maaf krny vala ! 

AKHIR MUHABBAT HA .. KAHAN MANTI HA !

Kabhi kabhi insan pata nahi kyun thak sa jata ha … in rishto muhabbato sy jinka maan rakhty rakhty jany ham apni zaat me kaha gum ho jaty hy ..in panapti marti hasraton me jo na pori hoti hy na cheen sy jeny ka koi rasta deti ha 
Kisi ny Kaha khamoshi ikhtiar krlo .. jab taluqat khatam hony lgy tu qadam peechy hatany me hi bhalaa ha .. magar is muhabbat ka gala kon ghonty .. najany kaha sy omaand ati ha ! kahan manti ha ?

Kisi ny kaha apny haq k lye laro .. awaz uthao .. magar is buzdil jazby my itni taqat Kahan k apny hi pyaron ko girany k lye dat jaye ..muhabbat ha … ye kahan manti ha ? 

Kisi sayany ny kaha sabar krlo .. yehi khushiyo ka rasta .. rishto ki bunyad ha .. zindagi ki khush-hali ka raaz ha .. Magar ye muhabbat tu sada sy hi apny hi jesy kisi jazby ki Mutalaashi rahi ha.. kon samjhaye ..ye Kahan manti ha ? 

Dil ny akhir haar man li … hathyaar dal dye.. muhabbat krni chor di !                                     magar ab dar lagta ha.. kia waqai is la elaaj marz sy jan chorani is qadar asan thi … kia waqai ye kanto ki beel jhat sy gayab ho gai thi .. wafaon ki bondy kahi dobara isy panapnoy pr mabjoor tu na krdy gi ? 

AKHIR MUHABBAT HA .. KAHAN MANTI HA ? 

Random thoughts !

Kash k ye zindagi hamy koi aur ikhtiaar deti bas ek in yadoon ko mitany ka khud mukhtaar bana deti tu kia hi bhala … kia ho jata is eke nazuk sy dil ka bojh hi tu kam karna tha …. 

Aur agar ye yady peecha nahi chorti .. tu kash vo khuda inhy bardasht krny ka sabar de deta .. ham insan kitny mazboot hoty hy jismani lihaz sy magar mar is choty sy dil k hatho kha jaty .. na mehsoos bewajood sy lagny valy hormones k hath kha jaty hy 

Khuda ny bhi kamal ki takhleeq ki ha insan .. waqai jo zahir ha zaroori nhi k vo teh me chupi gehrai me bhi vohi bat ho ! 

Adat … Jan leva ha !!!

Mera ye hamesha sy manna raha ha k kisi bhi cheez ki adat jan leva ho skti ha .. par is ka sahi matlab shayad zindagi k subho sham ny ab samjhaya ha!
Zindagi bhi kitni ajeeb chez ha na .. din ba din kitab k pano ki tarha kholti hi chali jati ha .. jesy hawa k koi jhoka isky pano par roshni ki kirno k girny ki jaga banata ja rha ho.. jesy isky har naye pa-nny k alfaz kisi nai subho par (ya shayad kisi nai sham par hahaha ) roshni dalty chaly ja rahy ho
Kher tu bat ho rahi thi adat ki ! Mene hamesha sy yehi mehsoos kya ha k agr insan ka ye dil kisi makhsoos kam ka , jazbat ka ya insano ka Aadi ho jaye tu isko behlana phr shayad luqman k bhi bas me nahi !
Magar agr is nazarye par roshni dali hi ja rhi ha tu oska ek pehlo ye bhi tu ha na k ham jis chez k aadi ho jaty hy vo hamy bezar bhi tu krny lgti ha ..ye bat tu roz e mehshar ki trha bilkul ayyan ha k ALLAH zaly shanaho ny is ideal scientific machine me jaha ehsasat aur onko mehsoos krny kia taqat rakhi ha wahi is bat par bhi koi shak nahi k see kisi bhi ehsas ki shidat insan ko behis bana deti ha !
Tu Phr Chahy muhhabt ho ya nafrat ….adat jan leva ha !

Khamoshi !

Insan ki khamoshi oski $ab sy bari taqat ha .. wafadar dost .. khubsorat sathi .. jab.sitam giran k sitam barh jaye tu hamara ye pyari dost hamy tanha nahi hony deti balky apni baton me le k yadon k hisar me le dobti ha ! Kabhi kabhi ye tanhai ..ye khamoshi b kitna lubhati ha na .. na jany kyun !

Waqt … Guzar hi jaye ga !

Kehty hy k dard me bitaya ek lamha khushiyo me guzri sadyo k mutabadil mehsoos hota ha ..shayad insan sada sy hi na shukri ka putla ha khushiyo me waqt guzar jany ka dar aur dukh me waqt k ruk jany ka khoof ! 

Akhir waqt hi tu ha … GUZAR HI JAYE GA ! 

الفاظ.. یا ..حال دل

لفظوں کے مہکتے پھول…. دراصل دل کی بکھری ہوئی بستیوں کی راکھ ہوتی ہے. کبھی کبھی میں سوچتی ہوں کہ اگر بے مقصد دل کی زمین پر پڑے  ٹکرے اتنے خوبصورت ہیں تو ٹوٹے ہوئے دل کس قدر خوبصورت ہوتے ہوں گے